ТТИС-ийн оюутнууд манай төвд зочиллоо!

Техник Технологийн Дээд Сургууль - IET-ийн оюутнууд Бизнес төслийн хичээлийн дадлагын хүрээнд Сүхбаатар дүүргийн Жижиг, дунд үйлдвэрлэлийг дэмжих төвийн үйл ажиллагаатай танилцлаа.

Уулзалтын үеэр:

• Төвийн үйл ажиллагаа, хэрэгжүүлж буй төсөл, хөтөлбөрүүд
• ЖДҮ эрхлэгчдийг дэмжих бодлого, үйлчилгээ
• Бодит кейс, туршлагуудыг танилцуулж, оюутнуудтай нээлттэй ярилцан, асуулт, хариулт санал солилцоогоор дүүрэн уулзалт боллоо.

Мөн оюутнууд манай төвд бойжиж буй үйлдвэрлэл эрхлэгчдийн үйл ажиллагаатай танилцаж, бодит үйлдвэрлэлийн орчин, бүтээгдэхүүн хөгжүүлэлт, зах зээлд нэвтрэх үйл явцыг газар дээрээс нь харж, туршлага судаллаа.

Манай төв цаашдаа оюутан залуусыг бодит ажлын орчинтой холбох, мэдлэг туршлага олгох чиглэлээр хамтын ажиллагаагаа улам өргөжүүлж ажиллах болно.