Тусгай тоног төхөөрөмжийн түрээс 

/Хатгамалын болон канза машины үйлчилгээ/

Манай байгууллагаас 2019 онд дүүргийн үйлдвэрлэл эрхлэгчдэд нэн шаардлагатай тусгай төрлийн тоног төхөөрөмж, сургалтын судалгааг хийж, дүүргийн хөрөнгө оруулалтад санал илгээсэн ба 2020 оны намар дүүргээс 15 сая төгрөгийн хөрөнгө оруулалтаар  хатгамалын болон канза машин, сургалтын зөөлөн ултай оёдлын машин хүлээн авсан.  

2020 он дуустал дүүргийн нэг иргэнийг операторын сургалтад суулган бэлтгэж, 2021 онд Тусгай төрлийн тоног төхөөрөмж /хатгамлын машин, канза/-ийн түрээсийн үйлчилгээг нэвтрүүлж, нэг иргэнийг ажлын байраар хангасан. 

Одоогийн байдлаар тус үйлчилгээг 36 иргэн, аж ахуй нэгжид хүргэж 834,000 төгрөгийн борлуулалт хийж, үйлдвэрлэл эрхлэгчдийн бүтээгдэхүүний өнгө үзэмж, төрлийг нэмэгдүүлж, үйлдвэрлэлийн үйл ажиллагааг дэмжсэн.

Тус тоног төхөөрөмж нь бүх төрлийн даавуу, ноос, ноолуур сүлжмэл, цэмбэн материал дээр байгууллагын лого, зураг, хээ угалз, бичвэрийн хатгамал хийх үйлчилгээг хөнгөлөлттэй нөхцөлөөр  үзүүлж, канза машины оёдлын үйлчилгээг үзүүлдэг.