БНХАУ-ын Харбин хотод зохион байгуулагдаж буй 35 дахь удаагийн Олон улсын үзэсгэлэн худалдаа амжилттай үргэлжилж байна.

Тус олон улсын томоохон платформд Сүхбаатар дүүргийн Жижиг, дунд үйлдвэрийг дэмжих төвийн дэргэдэх ноос, ноолуурын чиглэлийн 3 аж ахуйн нэгж оролцож байна.

Манай үндэсний үйлдвэрлэгчид уламжлалт мал аж ахуйн гаралтай байгалийн цэвэр түүхий эд болох нүүдэлчдийн соёл, чанарыг шингээсэн ноос, ноолууран бүтээгдэхүүнээ олон улсын зах зээлд танилцуулж, гадны худалдан авагчдын сонирхлыг ихэд татаж байна. Энэхүү үзэсгэлэн нь зөвхөн борлуулалт хийхээс гадна: 

Олон улсын түншлэл тогтоох Экспортын шинэ гарцуудыг нээх Монгол брэндийн үнэ цэнийг дэлхийд таниулах том боломж болж байна. Эх орныхоо нэрийг дуурсгаж, тогтвортой үйлдвэрлэлийг хөгжүүлэн дэлхийн зах зээлд өрсөлдөж буй дүүргийнхээ баялаг бүтээгчдэдээ өндөр амжилт хүсье!