Манай төв нь Сүхбаатар дүүргийн ИТХ-ын Тэргүүлэгчдийн 2012 оны 05 дугаар сарын 04-ний өдрийн 41 тоот тогтоолоор Жижиг, дунд үйлдвэрлэлийг дэмжих төв нэртэйгээр байгуулагдсан. Төв нь бие даасан 1150 м2 талбай бүхий өөрийн гэсэн  байртай ба 30 өрөөнд 50-аас доошгүй үйлдвэрлэл эрхлэгчдийг ажлын байраар хангадаг. 

Үндсэн үйл ажиллагааны чиглэл нь хөнгөлөлттэй, шаталсан түрээсийн төлбөрөөр ажлын байраар хангах, сургалт арга зүй, үзэсгэлэн худалдаа, зөвлөгөө мэдээлэл, борлуулалтын цэг, туслан гүйцэтгэх үйлчилгээ буюу тусгай тоног төхөөрөмжийн түрээс, хамтын оффисын үйлчилгээ юм. 

Сүүлийн 4 жилд манай байгууллага нь 57 төрлийн сургалтыг 1301, зөвлөгөө мэдээллийг 1076, хамтын оффист 281,  35 үзэсгэлэн худалдаанд 381 үйлдвэрлэл эрхлэгчдийг хамруулж, 231,024,826 төгрөгийн борлуулалттай ажилласан байна.